City, Haaland në dyshim për sfidën vendimtare

Kampionati Anglez i Futbollit rikthehet në fazën më emocionuese të sezonit, pas pushimit tw imponuar nga ndeshjet eliminatore të Euro 2024.

Arsenali i Mikel Artetës synon të fitojë trofeun më të rëndësishëm të sezonit i cili mungon prej vitit 2004 te “Topçinjtë”.

Në anën tjetër, Manchester City synon mbrojtjen e titullit megjithatë për të besuarit e Pep Guardiolës nuk do të jetë e lehtë, pasi Arsenali i cili ka zhvilluar një ndeshje më shumë është shkëputur tetë pikë.

Për skuadrën e Mikel Artetës janë edhe 10 finale për t’u zhvilluar deri në fund teksa këtë javë synojnë të shkëputen sërish në renditje. Të shtunën më datë 1 prill, City do të përballet me Liverpool-in.

Një sfidë që në vitet e fundi ka rrëmbyer skenën në kampionatin më të fortë në botë, pasi titulli kampion është vendosur mes këtyre dy skuadrave.

Ndeshja do të luhet në “Etihad Stadium”, ndërsa këtë sezon të dyja skuadrat luftojnë për objektiva të ndryshme.

Skuadra e Jurgen Klopp po zhvillon një sezon me ulje dhe ngritje, ndërsa objektivi kryesor mbetet për të arritur një vend në top 4 që të dërgon në Champions League.

Në anën tjetër City nuk dëshiron të lëshoj terren në luftën për titull dhe do të kërkoj me çdo kusht fitoren.

Megjithatë asgjë nuk do të jetë e lehtë, pasi Pep Guardiola me shumë mundësi nuk do të ketë në dispozicion golashënuesin e Premier League, Erling Braut Haaland.

22-vjeçari pësoi një dëmtim në grumbullim me kombëtaren e Norvegjisë dhe për këtë arsye nuk luajti përballë Gjeorgjisë dhe Spanjës.

Sipas raportimeve të fundit, Haaland pasi kreu vizitat mjekësorë në Barcelonë është rikthyer në klub për të vazhduar rikuperimin.

Dëmtimi në ije nuk duket serioz për norvegjezin, megjithatë prezenca e tij është në dyshim përballë Liverpool-it.

Në rastin më të mirë, Haaland pritet ta nisë nga stoli dhe jo si titullar një nga sfidat më të rëndësishme për City-n në fundin e sezonit.