Celibashi sqaron procedurën për kandidatët e dorëhequr të Alibeajt

Kandidatët e Enkelejd Alibeajt që janë tërhequr nga gara nuk do të jenë në fletën e votimit.

Kështu deklaroi kreu i KQZ-së,  Ilirjan Celibashi.

“Nëse tërhiqen nuk do të jenë pjesëmarrës në garë. Nuk konsiderohet që është fleta bosh. Do jenë subjektet e tjera, nuk do jetë në fletën e votimit, do mungojë. Përjashto rastin nëse tërhiqen pasi është miratuar dhe printuar fleta e votimit. Do jenë aty se s’kemi çfarë të bëjmë. Nëse tërhiqen në këtë moment nuk do jenë në fletën e votimit”, deklaroi Celibashi.

Kujtojmë se janë tërhequr nga gara në zgjedhjet lokale të 14 majit deri tani zyrtarisht 6 kandidatë të dalë nga grupi  i Alibejat.

Sabah Sheta është kandidati i radhës që tërhiqet nga zgjedhjet lokale, pas kandidatit të Lezhës, Kurbinit, Librazhd, Vorë dhe Korçë