Reforma e re administrativo-territoriale u miratua pak pas mesnate mes tensioneve dhe debateve të shumta. Projektligji mori 85 kartonë jeshil, duke i hapur rrugën kështu ndarjes së re administrative me 46 bashki.
I pranishëm në seancë vetëm për të marrë pjesë në votim ishte edhe kryeminstri Edi Rama. Ndërkohë kartonin jeshil e ngriti edhe një prej kundërshtarëve më të fortë të kësaj harte të re Erion Braçe. Ky i fundit edhe më herët kishte kundërshtuar territorialen, por në Kuvend votoi pro.
Po ashtu pak sekonda para se të bëhej votimi, në seancë mbërriti edhe ish-zv.kryeministrja, Belinda Balluku. Pas mbërritjes së Ballukut, Gazment Bardhi hodhi ujë në drejtim të saj , ndërkohë që deputetët e tjerë goditën me shishe në drejtim të kryeministrit Edi Rama. Gjithashtu nuk munguan as sulmet me vezë.
Në përfundim Edi Rama u largua nga Kuvendi duke qeshur, i shoqëruar nga ministri i Brendshëm Ervin Demo dhe kryetari i Kuvendit, Niko Peleshi.
Ndërkohë, deputeti socialist Erion Braçe u fotografua me kokën të mbështetur në dorë. Një tjetër skenë që u vu re ishte largimi i shpejtë i Elisa Spiropalit.
Pavarësisht kundërshtive, tre deputetët socialistë, Erion Braçe, Elisa Spiropali dhe Vullnet Sina votuan pro reformës.
Discussion about this post