Nëse ne ju themi që Valencia ka prekur fundin, besojeni fjalën tonë. Ekipi i qytetit të mrekullueshëm bregdetar është, në sensin e plotë të fjalës, “copë copë”, nga aksioneri kryesor që duket se e ka blerë klubin thjesht sa për të thënë që zotëron një klub futbolli deri te tifozët që mezi presin që ai të zhduket nga qarkullimi.
Absurdi, megjithatë, nuk ka fund të ky klub pseudo-i madh (arritjet madhore të Valencias janë dy finalet e humbura në Champions League por për këtë fakt ata bëjnë sikur janë më të mirët në univers).
Lojtarët e Valencias do të paguajnë nga xhepi, që tifozët e ekipit të udhëtojnë drejt Elçes. Këtë e ka bërë të ditur drejtori i përgjithshëm i klubit, Javier Solís, në daljen publike që mbajti sot në Mestalla. “Lojtarët i kanë komunikuar klubit se duan t’i bashkohen këtij shpenzimi që tifozët tanë të udhëtojnë në Elçe”.
Klubi njoftoi javën e kaluar se do të paguante për autobusët për në Almería. Në më pak se dhjetë minuta u shitën më shumë se 500 biletat që ishin nxjerrë në shitje. Pasi mësuan për situatën, kapitenët e ekipit kontaktuan klubin për të marrë në dorë udhëtimin masiv që po organizohet në Martínez Valero.
Duhet mbajtur mend se Valencia është në një situatë kritike dhe duhet të ndryshojë dinamikën e saj të tmerrshme jashtë shtëpisë, në të cilën nuk ka shënuar për shumë muaj. Për të shpëtuar veten, duhet të fitosh jashtë shtëpisë deri në fund të sezonit dhe të mos ia besosh gjithçka shpirtit të Mestallas. Valencia po lufton për mbijetesë (dhe shpresojmë të rrëzohet në Segunda sa më parë).
Discussion about this post