Nënkryetarja e Partisë Demokratike, Grida Duma në një intervistë për News 24 ka folur ndër të tjera edhe për rikthimin e dënimit me vdekje pas ngjarjes së rëndë që ndodhi në Fier.
Për Dumën, dënimi me vdekje duhet të ri diskutohet, pasi në vendin tonë shërbimi i shëndetit mendor nuk ekziston. Sipas saj, kemi institucione, por jo shërbime.
“Është në ato momente që e keqja është aq e madhe sa nënat nuk arrijnë të shohin lajmin. Është një propozim para se të ndodhte kjo tragjedi, për shkak të varfërisë së gjatë, mungesës së vlerave rriten sëmundjet mendore. Një gjë është e qartë, shërbimi i shëndetit mendor nuk ekziston, kemi institucione, por jo shërbime. T’i lëmë investimet e tjera, të investojmë të njerëzve, ka nevojë për shërbime në këtë vend. Jemi një shoqëri që nuk e pranojmë sëmundjen mendore. I di rregullat e BE, dënimi me vdekjet ka qenë kushtëzim por duhet të ri diskutohet kjo gjë. Kur kemi të bëjmë me sëmundje në këto nivele dhe kur si parandalojmë dot, vepron frika, frika nga dënimi. Mendoj që edhe dënimi me vdekje duhet të ri diskutohet”, tha Duma.
Për ngjarjen e rëndë kanë reaguar figura publike nga të dy kampet politike në vend, ku kryeministri Edi Rama hodhi poshtë idenë e rikthimit të dënimit me vdekje, pasi sipas tij nuk është zgjidhje.
Discussion about this post