Apple njoftoi të mërkurën se konferenca e saj vjetore e zhvilluesve, WWDC, do të fillojë më 5 qershor dhe do të zgjasë deri më 9 qershor. Kompania mban ngjarje të lansimit të udhëhequr nga shefi ekzekutiv Tim Cook në ditën e parë të konferencës dhe zakonisht zbulon softuerin e ri të iPhone-it, iPad-it, Apple Watch, Apple TC dhe Mac-it, transmeton Telegrafi.
WWDC është konferenca më e madhe e vitit e kompanisë Apple. Kompania fton zhvilluesit e softuerit të vizitojnë selinë e saj dhe mban seminare dhe sesione të dedikuara për përdorimin e mjeteve softuerike të Apple për të krijuar aplikacione të reja.
WWDC gjithashtu ofron një vështrim paraprak se ku po drejtohet Apple. Kompania zakonisht diskuton qëllimet e saj për zhvillimin e softuerit dhe zbulon veçori të reja të iPhone-it.
Në shumicën e viteve Apple nuk ka prezantuar pajisjet e reja në WWDC. Megjithatë, këtë vit, Apple mund të prezantojë kufjet e saj të shumëpritura virtuale dhe të realitetit të shtuar në konferencë, sipas Bloomberg. Për më tepër, Apple mund të zgjedhë të prezantojë Mac të rinj me fuqi të lartë për një audiencë miqësore të zhvilluesve këtë qershor.
WWDC do të transmetohet falas në faqen e internetit të Apple.
Konferenca do të mbahet online, derisa në ditën e parë të konferencës do të jetë me prani të njerëzve në në selinë qendrore të Apple, Apple Park. Vitin e kaluar, Apple ftoi zhvilluesit dhe mediat për të parë prezantimin hapës të regjistruar paraprakisht në selinë e saj në Cupertino, Kaliforni, të quajtur Apple Park.
Discussion about this post