Premier League fillon të flasë akoma më shumë spanjisht

Premier League ka shënuar një xhiro të pabesueshme: në koncept dhe në formë. Aq sa ky, me inkorporimin e Bruno Saltorit, si trajner të përkohshëm i Chelsea, është Premier League më spanjolle në histori, të paktën për sa i përket atyre në stol.

Bruno Saltor, edhe pse mund të jetë i përkohshëm, është trajneri i shtatë spanjoll që do të ulet në një stol të Premier League ditën e nesërme.

Në fakt, ka pothuajse dy herë më shumë spanjollë (shtatë) se anglezët, të cilët mezi shfaqen në katër skuadra: Gary O’Neil (Bournemouth), Eddie Howe (Newcastle), Roy Hodgson (Palace) dhe Sean Dyche (Everton). Situata e tij është e pasigurt, për më tepër.

Nga shtatë spanjollët, dy dolën si të përkohshëm në teori: Bruno Saltor, i cili ishte asistent i Potterit te Chelsea dhe Rubén Selles te Southampton.

Dhe vetëm dy filluan këtë sezon: Pep Guardiola, i cili është në City që nga viti 2016 dhe Mikel Arteta, lideri i ri i kampionatit në krye të një Arsenali që ai ka drejtuar që nga fundi i 2019.

Tre të tjerët u nënshkruan gjatë kësaj fushate: Unai Emery, i cili u rrëmbye nga Villarreal për të shkuar te Aston Villa; Julen Lopetegui, i cili nënshkroi për Wolves, pasi u shkarkua nga Sevilla ditë më parë dhe Javi Gracia, i cili ishte pa ekip dhe u rekrutua nga Leeds për ta shpëtuar mos të bjerë nga kategoria.

Nga shtatë spanjollët, vetëm Selles është, matematikisht, në zonën e rënies. Kjo sepse Southampton është vetëm tre pikë poshtë Leeds-it të Javi Gracia, i cili është ai që kërkon shpëtimin. Do të ketë duele interesante spanjolle në kuadër të një Premier League më të rrallë se kurrë.

Pankinat e Premierligës nuk janë më të paprekshme dhe, me shkarkimet e djeshme (Potter në Chelsea dhe Brendan Rodgers në Leicester), janë tashmë 12 trajnerë të shkarkuar gjatë këtij sezoni, një rekord. Domethënë: Antonio Conte (Tottenham); Brendan Rodgers (Leicester); Bruno Lage (Wolves); Frank Lampard (Everton); Graham Potter (Chelsea); Jesse March (Leeds); Nathan Jones (Southampton), Patrick Vieira (Crystal Palace); Ralph Hasenhuttl (Southampton); Scott Parker (Bournemouth), Steven Gerrard (Aston Villa) dhe Thomas Tuchel (Chelsea).

Por ka një fakt edhe më elokuent: duke llogaritur ndryshimet në total të trajnerëve, të përkohshëm etj… janë deri tani 24 ndryshime trajnerësh në pankinat e Premier League gjatë sezonit 22-23. Premier League dhe bota kanë ndryshuar.