Futbolli është sporti më i çuditshëm në botë dhe kjo u konfirmua në mbrëmjen e 2 prillit 2023, kur Milani mposhti Napolin super favorit me rezultatin 4-0. Kjo është një nga ato ndeshje kur konfirmohet që shprehja “Fati ndihmon më të fortin” është gënjeshtra më e madhe e sajuar nga njerëzimi.
Mund të themi pa asnjë dyshim se “daci ra në kos” dhe kuqezinjtë kanë për çfarë të festojnë këtë javë, megjithatë, Stefano Pioli, trajneri i Milanit nuk është shumë entuziast duke parë që diferenca me vendin e pare vazhdon të jetë shumë e madhe.
“Fituam një ndeshje të rëndësishme, por është vetëm një hap përpara në këtë fund sezoni. Nuk duhet të kemi eufori, ishte thjesht një paraqitje e mirë kundër një skuadre të madhe, tani mendjen tek Empoli pasi ndeshje të tilla na kanë penalizuar këtë sezon.
Ky rezultat nuk do të thotë asgjë për përballjet në Ligën e Kampionëve. Do të jetë një tjetër ambient, tjetër situatë. Kjo fitore do të na jap mundësi të studiojmë më mirë kundërshtarin, por nuk ndryshon asgjë”, u shpreh tekniku kuqezi.
Discussion about this post