Berisha: Kandidatët tanë nga populli, të Ramës nga bodrumi i mafies

Kreu demokrat, Sali Berisha është ndalur sot në Tropojë, ku po prezanton kandidatin e koalicionit “Bashkë Fitojmë”, Besnik Dushaj.

Gjatë fjalës së tij Berisha, vlerësoi kandidaturën në fjalë, ndërsa shtoi se bëhet fjalë për kandidat të lirisë, të votës së qytetarëve.

Ai ironizoi kandidatin e PS-së, Rexh Byberi, duke thënë se doli nga sirtarët e bodrumeve të mafies.

Berisha i cilësoi këtë zgjedhjet si më të rëndësishmet, teksa u shpreh se Rama ka vendosur në Shqipëri monizëm të bazuar tek barbaritë e krimit dhe drogës.

“Kurrë PD nuk do emërojë kryetarin tuaj, kryetarin e bashkisë suaj, deputetin tuaj, por ju e vetëm ju me vullnetin tuaj do i zgjidhni ata.

Ta pyesim pak Rexhën, ti kandidat i kujt je? Cili socialist të ka zgjedhur ty? Cili qytetar i katij rrethi të ka votuar ty? Nga dole ti? Nga sirtaret e Edi Ramës.

Kudo që shkojmë, përballen kandidatët e lirisë me kandidatët e bodrumeve të mafies së Ramës. Por miqtë e mi këto zgjedhje vërtet janë për qeveritarë vendor, por besoj që e jeni të qartë që këto janë zgjedhjet e jetës sonë, më të rëndësishmet që kemi që nga ’92, shkojmë si misionarë ë vërtetë për të firmosur përmbysjen e sistemin monist të vendosur nga Rama, monizëm i cili bazohet në barbaritë e krimit, çnjerzitë e vjedhjes, drogën dhe gjenocidin e shqiptarëve.”, tha Berisha.