Specialistët për Hetimin e Krimeve në Komisariatin e Policisë Vlorë kanë finalizuar operacionin e koduar “Reagimi”.
Aksioni i policisë mundësoi kapjen dhe arrestimin në flagrancë të shtetasit E. B., 32 vjeç, banues në Vlorë.
I riu dyshohet se gjatë orëve të natës ka thyer xhamin e derës së një supermarketi në lagjen “Bashkimi”.
Pasi ka depërtuar brenda ambientit, ai ka marrë kasën e biznesit ku gjendej një sasi parash.
Gjatë veprimeve hetimore, shërbimet e policisë arritën të gjejnë dhe të sekuestrojnë kasën e vjedhur në cilësinë e provës materiale.
32-vjeçari tashmë akuzohet zyrtarisht për veprat penale “Vjedhja” dhe “Shkatërrimi i pronës”.
Strukturat e policisë në bashkëpunim me Prokurorinë po vijojnë hetimet për të verifikuar nëse ky shtetas është i përfshirë në vjedhje të tjera.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë për veprime të mëtejshme.
gijotina.com/
Discussion about this post