Ditët nuk ikin kurrë në këtë vend europian – të paktën për një pjesë të vitit.
Në Norvegji, dielli nuk perëndon në disa pjesë të vendit gjatë muajve të verës, duke i lënë peizazhet e tij të ndriçuara nga rrezet e diellit 24 orë në ditë.
Është një fenomen natyror i njohur si ‘dielli i mesnatës’ që ndodh në vende në jug të Rrethit Antarktik dhe në veri të Rrethit Arktik. Arkipelagu norvegjez i Svalbardit e përjeton atë për shtrirjen më të gjatë çdo vit mes 20 prillit dhe 22 gushtit.
Pamjet e pabesueshme me dron të kapura nga fotografi britanik i udhëtimeve George Cooper tregojnë këtë fenomen magjepsës që shfaqet në Ishujt mahnitës Lofoten dhe pjesë të tjera të Norvegjisë.
Në pamjet të cilat janë bërë virale në Instagram me më shumë se 9.1 milionë pëlqime ishujt mund të shihen të ndriçuar nga rrezet e diellit në të gjitha orët e natës, nga ora 23:00 deri në orën 3 të mëngjesit.
Duke prezantuar videon para ndjekësve të tij, George shkroi: “Njëzet e katër orë dritë të ditës është me të vërtetë një përvojë emocionuese. Të shohësh diellin që nuk zbret kurrë nën horizont është nje nga gjërat më mahnitëse që kam parë ndonjëherë.
Discussion about this post