Sonte po mbahet finalja e madhe e spektaklit “Eurovision 2021”, ku këngëtarja Anxhela Peristeri ka përfaqësuar Shqipërinë me “Karma”.
Ajo dhuroi spektakël të vërtetë dhe na përfaqësoi denjësisht, duke e djegur skenën dhe duke i merituar të gjitha duartrokitjet e publikut.
Të gjithë shqiptarët që jetojnë jashtë shtetit, në vendet e renditura në listë, mund të votojnë numrin 02 në numrat e telefonit të afishuar. Më herët gjatë një interviste, Anxhela kërkoi sonte mbështetjen e të gjithë shqiptarëve.
“Eurovisioni është një skenë aq e madhe, me një audiencë aq të madhe sa që kontrollimi i emocioneve gjatë performimit është shumë i vështirë. Në momentin që dëgjuam se ishim në finale, isha shumë e lumtur dhe emocione te jashtëzakonshme që është vështirë të pëshkruhet sidomos kur aspak nuk e prisja që ne të emërohemi si kualifikuesi i parë. Ishte një moment shumë i bukur.
Emocionet gjithnjë janë në rritje kur afrohet ora e performimit, jam shumë e lumtur që arritëm në finale dhe do e përfaqësojmë gjithë shqiptarët anembanë dhe muzikën shqiptare. Jam shumë falënderues për votat e shqiptarëve në diasporë në natën e gjysmëfinales, sonte gjithashtu dhe një herë pres mbështetjen e tyre për ta ngjitur sa më lartë Shqipërinë dhe gjithë shqiptarët në këtë edicion. Sonte, performoj me numrin 02, dhe shpresoj të marr mbështetjen e gjithë shqiptarëve dhe një herë”, ka thënë këngëtarja.
