Dusan Vlahovic nuk po kalon një formë të mirë. Që kur mbërriti te klubi i Juventusit, që pagoi 81 milionë euro te Fiorentina, performaca e tij nuk ka qenë ashtu siç pritej.
Në muajt e fundit, në mediat botërore gjithnjë e më tepër po qarkullojnë lajmet për një largim të mundshëm të tij nga Torino. Shitja e Vlahovic do të ndihmonte bardhezinjtë, pasi klubi po përballet me një krizë të rëndë ekonomike.
Megjithatë, forma e 23-vjeçarit ka ardhur në rënie në sfidat e fundit. Dhe klubet e interesuara mund të tërhiqen nga gara për nënshkrimin e tij.
Sulmuesi nuk shënon në kampionat që prej datës 7 shkurt, ndërsa kritikat për të sa vijnë e shtohen nga tifozët e Juventusit, aq sa së fundmi ka vendosur të mbyll Instagramin e tij.
Në Itali bëjnë të ditur se komentet në drejtim të tij kanë kaluar çdo kufi dhe sulmuesi nuk ka duruar më. Në anën tjetër, kjo gjë shihet edhe si një tërheqje për t’u përqendruar më shumë në fushën e lojës.
Discussion about this post