Kur deri një trajner edhe mbi të gjitha një person i qetë si tekniku i Real Madrid Carlo Ancelotti irritohet me VAR (me të drejtë, opinioni i autorit) imagjino çfarë duhet të bëjmë ne të tjerët.
Prej disa vitesh, pjesë e futbollit është bërë edhe teknologjia. Sistemi VAR u aplikua për të zgjidhur “hallet” dhe gabimet që mund të bënin arbitrat në fushën e lojës.
Megjithatë, polemikat, gafat dhe keqinterpretimet nuk kanë munguar në asnjë moment dhe së fundmi kundër sistemit VAR (njerëzit që janë duke e përdorur, janë aq “të mangët”, sa me shumë gjasë e kapin veshin e majtë me dorën e djathtë).
Tekniku italian shprehet se arbitrat e kanë mendjen te VAR-i që sipas tij po përdoret më shumë seç duhet (duke ia futur shpesh herë kot me vendimet që marrin, shtojmë ne).
“Më duhet të flas të vërtetën, nuk jam aspak i lumtur me mënyrën si aplikohet VAR-i. Në këtë moment që flasim VAR është bërë më i rëndësishëm se arbitrat në fushë pasi këta të fundit e kanë mendjen të vrapojnë për te ekrani që të marrin vendimet.
VAR u krijua për të shmangur gabimet që ishin të qarta, por tani thërritet më tepër seç duhet në apel. Kjo duhet të ndryshojë, ka ende shumë konfuzion sa i përket edhe prekjes së topit me dorë”, u shpreh Ancelotti.
Duhet thënë se po abuzohet shpesh me VAR, me arbitrat të cilët shpesh herë “kanë qejf” të bëhen faktor me vendimet e tyre kontroverse (dhe, pse jo tendencioze ndaj një ekipi të caktuar).
Discussion about this post