Këtë të shtunë në orën 16:45 Vllaznia do të presë në ‘Loro Boriçi’ skuadrën e Kastriotit në takimin e vlefshëm për javën e 9 të Superlgisë.
Duke në konferencën në prag të kësaj sfide, trajneri i shkodranëve, Thomas Brdariç u shpreh se duhet të marrin të njëjtat rezultate në Superligë siç ishte ajo në takimin e Kupës së Shqipërisë kundër Pogradecit, të cilin ‘Kuqeblutë’ e shkatërruan me shifrat 6-0.
“Duhet të vazhdojmë të bëjmë atë që nisëm në Kupë ndaj Pogradecit të mërkurën. Lojtarët duhet të jenë të qetë dhe të motivuar siç kanë qenë në stërvitje dhe me qetësi nesër do të marrim rezultat nëse luajmë siç dimë ne të bëjmë më mirë. Është një ndeshje tjetër nga ajo e vitit të kaluar pasi është një sezoni i ri me lojtarë të tjerë. Ajo që dua është që lojtarët të jenë në maksimum e të bëjnë më të mirën e tyre që t’i shkaktojmë humbje Kastriotit. Gjithë kjo punë dhe mund që kemi bërë deri tani të shpërblehen nesër. E para duhet të kemi shumë vetëbesim dhe nuk duhet të mendojmë për Kastriotin, por për veten tonë. E dimë si luajnë ata, por përqendrimi maksimal do të jetë te mënyra sesi luajmë ne dhe çfarë do të bëjmë në fushë për të marrë fitoren”.- u shpreh ai.
Më tej duke folur për gjendjen e ekipit, tekniku shtoi se sfida me Kastriotin do të nisë me 11-shen më të mirë
“Do të startojmë me 11-shen më të mirë nesër dhe ata janë shumë të motivuar për të luajtur dhe për të fituar ndaj Kastriotit. Kemi edhe lojtarët e stolit të cilët janë të aftë për të bërë diferencën, sigurisht që të gjithë duan të luajnë, por ne do të zgjedhim më të mirët. Për mua është e rëndësishme që lojtarët të jenë në maksimum dhe e kam parë në sytë e tyre që janë shumë të motivuar për të fituar ndeshjen nesër”,-deklaroi ai.
Rikujtojmë se Vllaznia vjen në këtë përballje pas 3 rezultatesh negative në këtë kampionat, ndërsa aktualisht shkodranët qëndrojnë në vend të 5 me 10 pikë, teksa kundërshtarët e kësaj sfide të tyre qëndrojnë në vend të fundit me vetëm 5 pikë në 8 ndeshje të luajtura./K.T/Gijotina.com
Discussion about this post