Në orën 21:00 Manchester City do të ndeshet me Bayern Munich, në çerekfinalen e parë të UEFA Champions League një sfidë që pritet të jetë tejet emocionuese mes dy skuadrave që kanë traditë futbollin ultra-ofensiv.
Përsa i përket formacioneve, tekniku spanjoll Josep Guardiola ka vendosur të zbresë në fushën e “City of Manchester Stadium” me rreshtimin 4-2-3-1, ku në portë si zakonisht është pozicionuar braziliani Ederson e para tij në mbrojtje Akanji, Ruben Dias, Nathan Ake e John Stones.
Më të tërhequr në mesfushë janë Rodri e Gundogan e para tyre Bernardo Silva, Jack Grealish e Kevin de Bruyne, të cilët do të mbështesin të vetmin në “majën” e sulmit, “makinerinë” e golave të “qytetarëve”, Erling Haaland.
Në krahun tjetër, tekniku Thomas Tuchel ka vendosur të përdorë po të njëjtin formacion si rivali i tij (4-2-3-1). Në portë është vendosur zvicerani, Yann Sommer e para tij, Alphonso Davies, Matthijs de Ligt, Dayot Upamecano e Benjamin Pavard.
Para mbrojtjes janë vendosur Joshua Kimmich e Leon Goretzka, ndërsa organizimi i sulmeve i është besuar treshes Jamal Musial, Leroy Sane e Kingsley Coman, me “fantazistin” Serge Gnabry, që i është besuar maja e sulmit.
Discussion about this post