Sulmuesi anglez, Marcus Rashford, ka pësuar një dëmtim pak ditë më parë, i cili do ta mbajë jashtë fushës për disa kohë. Ai u zëvendësua në minutën e 80-të të ndeshjes kundër Evertonit (2-0) dhe më pas dukej se nuk ishte asgjë serioze.
Por nuk ishte kështu. Është vërtetuar se ai do të duhet të pushojë për një periudhë të caktuar dhe është e sigurt që do të mungojë në ndeshjen me Sevillan në Europa League.
“Pas ekzaminimeve shtesë u konstatua se Marcus Rashford do të mungojë edhe disa ndeshje të tjera, por pritet që të jetë gati në fund të sezonit.
Mungesa e lojtarit të kombëtares angleze nga fusha është një zhgënjim i madh për ekipin tone, pasi Rashford shënoi 28 gola në të gjitha kompeticionet”, është shprehur Manchester United në një deklaratë për shtyp.
Kujtojmë se ndeshja e pare çerekfinale mes Manchester United dhe Sevillas për Europa League është planifikuar për të enjten në orën 21:00.
Discussion about this post