Aksidenti në Bulqizë, momenti kur makina e policit ngrihet në ajër

Zbardhet aksidenti në Bulqizë ku u përplasën automjetet e efektivit të policisë Selami Lusha me “Benzin” e Zenel Murrës.

Siç shihet edhe nga pamjet e siguruara nga gijotina.com të dyja mjetet janë në drejtime të kundërta por në krosi të njëjtë. Në momentin që janë afruar, për të shmangur përplasjen, kanë tentuar të devijojnë. Devijimi i të dyja makinave në të njëjtën kohë ka bërë që të mos shmanget përplasja kokë më kokë. Siç shihet nga videoja e siguruara nga gijotina.com përplasja ka qenë shumë e fortë çka ka bërë që makina e policit të ngrihet në ajër, e të përfundojë në anë të rrugës.

Si pasojë e përplasjes efektivi Lusha është transportuar fillimisht në spitalin e Peshkopisë, por për shkak të gjendjes së rëndë është dërguar për mjekim të specializuar në Spitalin e Traumës. I plagosur ka mbetur dhe drejtuesi i makinës “Benz” Zenel Murra.

Drejtuesit e Policisë së Shtetit kanë vizituar në spital efektivin e policisë Selami Lusha i cili u aksidentua mesditën e sotme në rrugën e Arbrit. Drejtori i Policisë së Shtetit Gledis Nano i shoqëruar nga drejtori për Sigurinë Publike Rebani Jaupaj bashkë me mjekun Skënder Brataj panë nga afër gjendjen e Lushtakut, duke i uruar shërim të shpejtë.

Theksojmë se aksidentet rrugore janë kthyer në një problematikë për shoqërinë duke shkaktuar dhjetëra të vdekur çdo muaj në Shqipëri. Sipas të dhënave nga INSTAT, përgjatë periudhës janar-tetor 2021, humbën jetën në aksidente rrugore 165 shqiptarë. Ky tregues është përkeqësuar në raport me të njëjtën periudhë të vitit të shkuar, ku në rrugët e Shqipërisë vdiqën 153 persona.