Ligjvënësit e Montanës kanë miratuar një projekt-ligj që ndalon përdorimin e TikTok, një lëvizje që pritet të përballet me sfida ligjore, por gjithashtu të shërbejë si një terren testimi për një “Amerikë pa TikTok” që shumë ligjvënës kombëtarë e kanë parashikuar.
Masa kundër aplikacionit popullor tani pret nënshkrimin e guvernatorit republikan Greg Gianforte, por pritet të përballet me pengesa.
TikTok, i cili është në pronësi të kompanisë kineze të teknologjisë ByteDance , është nën vëzhgim intensiv për shqetësimet se mund të hakojë të dhënat e përdoruesve ose të promovojë propagandën dhe dezinformimin pro-Pekinit në platformë.
Drejtuesit e FBI-së, CIA-s dhe shumë ligjvënës të të dyja palëve kanë shprehur këto shqetësime, por nuk kanë paraqitur asnjë provë se kjo ka ndodhur.
Discussion about this post