Liverpool rikthehet në aksion në Premier League sonte në Elland Road për të ndeshur me Leeds United. Skuadra e Jurgen Klopp nga tani e në vijim duhet të fitojë çdo ndeshje deri në fund të sezonit për të pasur edhe një shpresë të largët për të hyrë në top katërshe megjithëse kjo gjë ka pak shpresë që të ndodhë.
Duhet thënë se, “Reds-at” arritën të barazonin një disavantazh prej dy golash ndaj Arsenalit në ndeshjen e fundit, duke treguar të paktën disa shenja të paraqitjeve nga sezoni i kaluar. Megjithatë, forma në transfertë ka qenë një shqetësim i madh gjatë gjithë vitit dhe madje një udhëtim në një ekip që lufton kundër rënies nga kategoria duket i komplikuar.
Leeds po lufton fort në fund të tabelës për të mos u kthyer në Championship dhe javën e kaluar mori një shuplakë nga Crystal Palace (1-5).
Por performancat që Liverpool ka bërë larg “Anfield”, së bashku me faktorin “Elland Road”, duhet t’u japin atyre besim.
Liverpool vjen me formacionin më të mirë në këtë takim. Klopp do të zbresë në fushë me rreshtimin 4-3-3:
Alisson; Trent Alexander-Arnold, Ibrahima Konate, Virgil van Dijk, Andy Robertson; Fabinho, Thiago Alcantara, Curtis Jones; Mohamed Salah, Cody Gakpo, Darwin Nunez.
Nga ana tjetër, vendasit kundërpërgjigjen me një rreshtim më të ekuilibruar (4-2-3-1):
Illan Meslier; Luke Ayling, Robin Koch, Pascal Struijk, Junior Firpo; Weston McKennie, Marc Roca; Jack Harrison, Brenden Aaronson, Luis Sinisterra; Patrick Bamford.
Takimi Leeds-Liverpool starton në orën 21:00.
Discussion about this post