Deputeti i Partisë Demokratike, Agron Shehaj, është shprehur se kryeministri Edi Rama përdor fjalor banal kundrejt opozitës, pasi sipas tij, ai nuk ka çfarë të thotë tjetër.
Komentet Shehaj i bëri teksa ishte i ftuar në emisionin “Open” në News 24, ku tha se Rama gënjen kur thotë se do të bëjë fushatë me kosto të ulët. Sipas Shehajt, kosto e vërtetë e fushatës janë shpenzimet e PS-së në raport me mediat apo analistët që përcjellin mesazhin politik.
“Këlliçi është përqëndruar mbi problemet e qytetarëve. Është fakti që kosto e jetesës është e papërballueshme. Te urbanët falas, te ndërtimi i kopshteve dhe çerdheve, pasi në Tiranë ka mungesë vendesh në kopshtet dhe çerdhet. PD bën atë që ka bërë gjithmonë, ka hapur fushatën për të bërë bashkë demokratët dhe për të prezantuar kandidatët. Rama gënjen kur thotë që do bëjë fushatë me kosto të ulët, pasi nuk ka fushata të tilla. Pushteti ka mundësi pa limit për fushatën, kostoja e vërtetë janë shpenzimet në raport me mediat apo analistë që përcjellin mesazhin politik.
Një nga problemet kryesore që ka Tirana, është mungesa e hapësirave të gjelbërta. Rama dhe Veliaj kanë shpikur çështjen e pemëve. Berlini ka rreth 400 mijë pemë, që është një nga qytetet më të gjelbërta në Europë. Veliaj thotë se kam mbjellë vetëm ai 1 milionë pemë. Vendimi për të favorizuar ndërtuesit është vendim politik. Para 8 vitesh tha nuk do jepet asnjë leje, nuk do të ketë asnjë metër. Ka dhënë 8 milionë metër katror leje ndërtimi.
Mashtrimi është kur nuk ke çfarë thua, nuk ka hapsira të gjelbërta, atëherë shpik një mashtrim gjigandë e thua po mbjell miliona pemë.
Ndryshimi në duart e Tua mund të interpretohet në shumë mënyra, pra nëse nuk je i kënaqur me transportin public dhe me koston e jetesës, voto ndryshimin. Rama thotë idiot, budalla, gomar, qenë. Shan e fyen opozitën. Kur s’ke çfarë thua…”, u shpreh Shehaj.
Discussion about this post