Pas pandemisë çmimet e banesave në Shqipëri dhe sidomos në kryeqytet kanë pësuar rritje të ndjeshme, pas një ulje të konsiderueshme që pësuan gjatë pandemisë. Konkretisht që nga fillimi i këtij viti dhe deri në tetor çmimet e apartamenteve me qira janë shtrenjtuar me 30%. Vlerat kaq të larta janë të papërballueshme për familjet shqiptare për atë ardhurat e ulëta që ata fitojnë. Kështu qoftë për të blerë një banesë apo për ta marrë atë me qira qytetarët shqiptarë janë detyruar të marrin kredi.
Këtë e vërtetojnë të dhënat e publikuar së fundmi nga Banka e Shqipërisë, e cila tregon se këtë vit marrja e kredive për banesa është dyfishuar, si në raport me vitin 2020 edhe në krahasim me nivelin e parakrizës. “Kredia për banesa ka vijuar të ruajë rritjen vjetore dyshifrore, e ndikuar si nga ecuria e çmimeve në tregun e banesave dhe përmirësimet e tregut të punës, ashtu edhe nga kushtet e favorshme të kreditimit, që bankat ofrojnë prej disa tremujorësh”, thuhet në raport.
Sakaq, edhe agjencitë imobilare pohojnë një tendencë në rritje të çmimit të banesave. Ato raportojnë se një apartament me qira 1+1 edhe në zonën e periferisë në Tiranë , vështirë se e gjen më lirë sesa 25-30 mijë lekë në muaj, ndërsa një vit më parë luhatej në rreth 20 mijë lekë.
Agjencitë imobiliare tregojnë se, qiratë mesatare të apartamenteve 2+1 me mobilim racional për zonat e Astirit, Komunës të Parisit, Rruga e Elbasanit dhe te Liqeni i Thatë pas tërmetit të 26 nëntorit deri tani janë rritur 16 deri 20%. Po kaq shtrenjtë janë banesat në zonat që frekuentohen më shumë nga studentët, duke përfshirë këtu faktin se shtëpitë në këto zona nuk as kushte të përshtatshme për të banuar.
Ndër të tjera, bëhet me dije se aktualisht çmimi i qirave është rritur mesatarisht 6-7%, pas rënies që pësuan në muajt qershor-korrik. Arsyeja e ndryshimit është rritja e kërkesës sidomos nga familjarët që kërkojnë apartamente banime 2+1 me mobilim racional.
Discussion about this post