Chelsea-Real Madrid do të jetë një sfidë shumë e rëndësishme sot në UEFA Champions League. Blutë londinezë kërkojnë të shpëtojnë një sezon të dështuar në aktivitetet kombëtare dhe vetëm kalimi mes katër më të mirëve në Europë mund të shlyejë disi shpenzimet marramendëse që janë bërë nga pronarët amerikanë.
Por përballë është specialisti i turneut, Real Madrid, me Carlo Ancelottin i cili tenton trofeun e radhës. Dhe duket se ai di si të vërë nën trysni kundërshtarët.
I qetë falë fitores 2-0 në ndeshjen e parë, “Carlomagno” ka vendosur që të bëjë publik rreshtimin zyrtar që dy orë para fillimit të sfidës së kthimit, duke zgjedhur të njëjtin formacion si në sfidën e parë.
Courtois; Carvajal, Militao, Alaba, Camavinga; Modric, Valverde, Kroos; Rodrygo, Benzema, Vinicius Jr
Discussion about this post