Një gjë është të shpenzosh shumë para, një gjë komplet tjetër është, “t’i hedhësh në nevojtore”. Pronari i ri i Chelsea Todd Boehly, me rezultatet e deritanishme ka bërë pikërisht, këtë të dytën. Ashtu siç pritej, çdo gjë ka një limit e tifozët e “Bluve të Londrës” e kanë humbur durimin
Presioni ka filluar të rritet për Boehly-n. I kritikuar ditët e fundit për menaxhimin e tij, ai që aktualisht i sheh ndryshimet e tij në krye të Chelseat të mos shpërblehen.
Klubi londinez tani është pothuajse i sigurt se nuk do të luajë në asnjë kompeticion evropian vitin e ardhshëm, faji i një sezoni të dështuar plotësisht në Premier League dhe një eliminim mbrëmë në çerekfinalen e Champions League kundër Real Madridit (humbje me rezultatin 4-0 në 180 minuta lojë).
Megjithatë, nuk mund të themi se amerikani nuk ka investuar vetë, ai ka shpenzuar më shumë se 600 milionë euro në dy afate kalimtare për t’u ofruar bluve lojtarë, e ardhmja e të cilëve duket e ndritur. Megjithatë, për Thiago Silvën, ideja mbase nuk ishte e duhura!
Në të vërtetë, kapiteni nisi një ‘goditje’ monumentale për drejtuesit e tij, duke e konsideruar organikën aktuale të skuadrës si shumë të madhe:
“Në janar kishte tetë të rekrutuar. Duhet të ndalemi dhe të vendosim një strategji në mënyrë që të mos përsërisim të njëjtat gabime sezonin e ardhshëm,”- deklaroi ai. Mesazhi u dha, tani mbetet për t’u parë nëse drejtuesit do ta dëgjojnë.
Discussion about this post