Gjykata e Apelit Sportiv në Itali refuzoi ankesën e klubit sportiv Inter Milano për skualifikimin e futbollistit belg Romelu Lukaku. Sulmuesi zikaltër do të humbasë ndeshjen e dytë gjysmëfinale të Kupës së Italisë kundër Juventusit të Torinos planifikuar për në 26 prill 2023.
Pas golit të barazimit të shënuar me penallti në fund të ndeshjes, Lukaku festoi në mënyrën e tij që është kthyer në simbol kundër racizmit, por sipas arbitrit u cilësua si një gjest provokues, ku gjithashtu nxiti tifozët e Juventusit të cilët filluan ofendimet raciste ndaj Lukakut.
Tifozët e Juventusit i shpëtuan dënimit, edhe pse ofenduan rëndë Lukakun me thirrjet e racizmit, ndërsa Lukaku u ndëshkua për një gjest të cilin e ka bërë dhe me Belgjikën, por edhe me Interin në Champions dhe nuk është gjykuar më parë nga askush.
Shumë lojtarë të njohur europianë dhe figura të njohura mbështetën Lukakun, por me sa duket gjykata jo. Epo, kjo është Italia, vendi i çudirave.
Discussion about this post