Detaje të reja janë zbuluar nga ngjarja në Zejman të Lezhës, ku tre persona të armatosur hynë në lokal duke terrorizuar personat që ishin brenda.
Burime për Gijotina.com bëjnë me dije se tre personat e maskuar po kërkonin një banor që sapo ishte kthyer nga emigracioni. Tre personat, ende të paidentifikuar kanë qarkulluar me një makinë pa targa dhe janë larguar sapo kanë parë identitetet e atyre që ndodheshin në lokal.
Më herët, policia e Lezhës ka shoqëruar në komisariat disa persona për videon e publikuar në media një ditë më parë, ku tre të shoqëruarit do të procedohen penalisht për “mos kallëzim krimi” pasi nuk kanë raportuar për ngjarjen.
Nga ana tjetër, policia po vijon punën për identifikimin dhe kapjen e autorëve, të cilët janë shfaqur të armatosur rëndë në video.
Discussion about this post