Kreu demokrat, Sali Berisha nga Këlcyr ku prezantoi kandidatin e koalicionit “Bashkë Fitojmë” Arjan Kasajn për zgjedhjet e 14 majit, tha se qeveria e Ramës ka shndërruar vendin në një ‘mollë të ndaluar’ për qytetarët pasi vetëm vidhen pasuritë.
Berisha tha se kryeministri Edi Rama vjedh paratë e shqiptarëve për t’u pasuruar ndërsa qytetarët shpenzojnë më shumë për ushqimet pasi TVSH është rritur.
Ai shtoi se kryebashkiaku Erion Veliaj ka vendosur një taksë për arsim në kundërshtim me Kushtetutën pasi në ligj parashikohet që arsimi duhet të jetë falas për shqiptarët, ku theksoi se 14 majit duhet të jetë ndryshim.
“Arjan Kasaj do shënojë ndryshimin, për çdo qytetar. Shqiptarët nga një komb atdhedashës, që qëndroi në trojet e tyre po shndërrohen në një komb mysafir, por mysafir dhe në trojet e tyre. Të gjitha potencialet e vendit të tyre janë shndërruar në një mollë të ndaluar, mallkimi për banorët e Këlcyrës sepse në 10 vite ai që drejton qeverinë nuk mendoi për jetesën e qytetarëve por vetëm për pasurimin e tij dhe për pushtet, Edi Rama nisi karrierën e tij si kryeministër pas një akuze se ka të fshehur në llogari 200 milionë euro.
Ai që ka vendos 200 mln, ai mendon sesi të vjedhë të tjera, rregull hajduti. Ndaj dhe çfarë ndodhi këto 8 vite në vend se të kishim një përmirësim ekonomik, gjendje më të mirë, vështirësia erdhi gjithnjë në rritje, Rama ngriu rrogat. Nuk ka akt më të papërgjegjshëm, pasi çmimet nuk i ngrin dot. Në tregun e lirë, çmimet shkojnë në rritje dhe rrogat e shqiptarëve jo, vetëm në vitin 2022 çdo shqiptar ka shpenzuar më shumë për ushqime pasi u rritën çmimet.
Rama paratë që mblodhi nga rritja e çmimeve i ndau për lukset e tij, në vend që t’i shpërndante paratë qytetarëve. I çoi në një rrugë me 7.2 mln euro kilometri, ndërkohë që Greqia po ndërton autostradën kryesore me 4 mln euro. Ky ndryshim është jetik për çdo qytetar, në Tiranë nuk gjeni dot kurrsesi një çerdhe përveç privatit, që i këput me pagesë pasi vjedhin. Kreu i Bashkisë ka vendosur taksën e arsimit në kundërshtim me kushtetutën, ku shkruhet se shqiptarët e kanë falas arsimin. Ka mbledh 42 mln euro nga qytetarët mund të ndërtonte 70 shkolla e objekte arsimore, gënjen kur thotë kam ndërtuar 40, siç gënjen me pyllin. Janë shndërruar në një racë që kanë përçmim ndaj qytetarëve, Këlcyra nuk ka ujë pasi vjedhin. Nuk blenë tuba uji pasi paratë i ndajnë me njëri-tjetrin, nuk kanë të ndalur në hajdutërinë e tyre, ndaj dhe 14 maji është votë për ndryshimin dhe për veten tuaj, për ndryshim jetik”, tha ai.
Discussion about this post