Kristi Saka është vetëm 12 vjeç, por jeta është treguar e padrejtë me të. Sëmundja e rëndë e ka detyruar të hyjë nëntë herë në operacion, ndërsa sot dergjet në spitalin e pediatrisë në kryeqytet. Nëna e tij me lot në sy dhe me zërin që i dridhet apelon për ndihmë, ndërsa tregon peripecitë dhe dhimbjen e madhe që e ka kapluar. Florda Saka, nga Ishmi i Durrës, ka rrëfyer ekskluzivisht për Gijotina.com se i biri Kristi është operuar pesë herë në kokë për tumor dhe katër herë për valvulën, e cila nuk funksiononte mirë dhe ishte e lidhur me fshikëzën e urinës.
“Djali vuan edhe nga nefropatia glomerulare, perikarditi dhe mushkëritë. Pra gjithsej është operuar 9 herë, por tani është në gjendje më të rënduar. Të atin po ashtu e ka disi të paralizuar. Mezi ecën dhe flet, pasi edhe ai është operuar nga tumori. Me gjendjen ekonomike që kemi nuk e përballojmë dot më. Prandaj ju lutem vendosni dorën në zemër dhe na ndihmoni, me aq sa ju jepet mundësia që të shpëtojmë djalin tonë”, shprehet nëna me lot në sy në një intervistë me video për Gijotina.com. Apeli i nënës i drejtohet çdo shqiptari, duke nisur nga shoqëria civile, bizneset etj, ndërsa shpreson që i biri të bëhet mirë.
Stafi i Gijotina.com i uron shërbim të shpejtë dhe shëndet të plotë Kristit dhe ju vëmë në dispozicion numrin e telefonit të familjes.
Florda dhe Hasan Saka
+355699629245
Për çdo informacion mbi këtë rast të rëndë mund të kontaktoni me familjen ose me redaksinë për t’u bërë të mundur kontaktin me ta.
Discussion about this post