Bomberi norvegjez Erling Braut Håland po thyen rekord pas rekord në një moshë relativisht të re, duke e bërë një kampionat si Premier League të duket relativisht i lehtë për të. Pikërisht për këtë arsye ka filluar të konsiderohet nga disa zëra të rëndësishëm si futbollisti më i mirë i momentit.
Sulmuesi viking, i cili nënshkroi për Manchester City verën e kaluar, po bën përshtypje në sezonin e tij të parë në Angli dhe Wayne Rooney është i habitur se pse po arrin sukses në ligën më të vështirë në botë.
Legjenda e Manchester United shkoi aq larg në lëvdatat e tij për Håland sa tha se norvegjezi e meriton të fitojë “Topin e Artë” 2023, trofeu për të cilin njëfarë Lionel Messi është favorit i madh, pas triumfit të Argjentinës në Kupën e Botës.
“Erling Håland është futbollisti më i mirë në botë për momentin. Messi është më i miri në histori, por tani askush nuk luan më mirë se një sulmues që më lë pa frymë me nivelin që ka arritur, edhe pse kam thyer rekorde në pozicionin e tij.
Ai është më i miri në botë për numrat që ka, por edhe për mentalitetin që tregon. Nëse po flasim se kush do ta fitojë “Topin e Artë”, mendoj se duhet të jetë ai, duke pasur parasysh formën e tij këtë sezon. Dhe pse nuk do të ishte ai?
224 gola në 264 ndeshje janë shenjë se ai nuk i ka ulur standardet. Ne kemi pasur epokën e Messit dhe Ronaldos, por tani është koha për epokën e Håland dhe Mbappe”,- deklaroi Rooney.
Discussion about this post