Shumë tifozë, opinionistë dhe analistë të futbollit po e krahasojnë Erling Håland me Thor (superheroin nga Asgard), pasi sulmuesi norvegjez i lëshoi flokët pas golit të katërt të Cityt në fitoren 4-1 përballë Arsenalit, megjithatë ky krahasim, nuk vjen vetëm për pamjen e jashtme.
Håland shënoi golin e tij të 33-të të sezonit në Premier League dhe e përfundoi ndeshjen kundër Arsenalit me 2 gola dhe 1 asistim.
Deri më tani këtë sezon, Erling Håland ka shënuar 49 gola: 33 në Premier League, 12 në Champions League, 3 në FA Cup dhe 1 në EFL Cup.
Duhet theksuar se, nëse City arrin sukses maksimal, në Premier e Champions League (pa harruar FA Cup), meritë e madhe do jetë e vikingut trupmadh, i cili me siguri do të meritonte të ishte fituesi i Topit të Artë 2023.
Discussion about this post