Policia e Tiranës ka reaguar në lidhje me disa foto që u shpërndanë në rrjet dhe më pas në media, se ishte thyer makina e opinionistes së BIG Brother, Zhaklin Lekatari.
Edhe pse kjo e fundit dukej në pamje fare qartë se ishte e prekur, dhe në afërsi të saj ndodheshin punonjës policie, sipas bluve ajo nuk ka rënë pre e ndonjë sulmi.
“Në lidhje me një lajm të publikuar në portale për një automjet të dëmtuar në afërsi të stadiumit “Dinamo”, ju sqarojmë se lajmi është i pavërtetë.
Drejtoria Vendore e Policisë Tiranë kërkon mirëkuptimin e mediave dhe para se të publikojnë lajme të kërkojnë informacion pranë DVP Tiranë”, njofton Policia.
Ndërkohë vetë opinionistja nuk ka dhënë asnjë reagim në lidhje me incidentin e mundshëm, të cilin as e ka pohuar dhe as e ka mohuar.
Për shkak të komenteve të saj hera herës fyese në drejtim të Luizit apo edhe Kiarës, siç ndodhi mbrëmjen e djeshme, Lekatari ka qenë në qendër të një vorbulle kritikash veçanërisht nga ndjekësit në rrjetet sociale.
Discussion about this post