Në vitin 2022, pothuajse një vit pas vdekjes së legjendës së futbollit botëror Diego Armando Maradona, një zbulim i tmerrshëm tronditi botën e futbollit. Ylli i famshëm ishte varrosur pa zemrën e tij.
Nelson Castro, një mjek dhe gazetar i njohur argjentinas, do të botonte një libër në kujtim të Diego Maradonës, me titull “La Salud de Diego – La Verdarera Historia”, në të cilin flitej për shëndetin e Diegos, historia e vërtetë, në të cilin ai bëri zbulime për vdekjen e superyllit, në moshën 60-vjeçare!
Pastaj Nelson Kastro zbuloi, se zemra e Diego Maradonës u hoq para se të varrosej, për dy arsye: një që lidhej me mbështetësit e Gimnasia, të cilët mund ta kishin nxjerrë atë për të marrë zemrën dhe një tjetër, për studim.
“Ishte një lëvizje e përgatitur nga një grup tifozësh të ekipit të Gimnasia La Plata. Ata planifikuan t’i vidhnin zemrën. Është një fakt, i cili u zbulua me kohë, ndaj atij iu hoq zemra para varrimit për të shmangur një moment të tillë”,- tha Nelson Castro në vitin 2021, sipas gazetarëve të “Ole”.
“U desh zemra për të përcaktuar shkakun e saktë të vdekjes. Atëherë zemra e tij peshonte gjysmë kilogrami, ndërkohë që një zemër normale është rreth 300 gram.
Ai kishte një zemër të madhe edhe sepse ishte sportist, por edhe për problemet e zemrës me të cilat përballej”,- ka përmendur në atë kohë Nelson Castro.
Pas vdekjes së tij, raporti mjekësor thoshte se Diego Armando Maradona vdiq i vetëm, në një shtrat mjekësor në një rezidencë në Tigre (në veri të Buenos Aires), ku po shërohej pas një operacioni për një hematomë në kokë. Vdekja do të kishte ndodhur për shkak të sëmundjes paraekzistuese të zemrës, por edhe për shkak të “një neglizhence të përgjithshme në trajtimin dhe mënyrën e kujdesit ndaj pacientit”.
Tani, tre vjet pas vdekjes së Maradonës, drejtësia argjentinase konfirmoi të martën fillimin e gjyqit për çështjen e tetë anëtarëve të ekipit mjekësor që kujdesej për ish-futbollistin e madh, pas shumë hetimeve dhe grumbullimit të provave. me klasifikimin fillestar “vrasje me bashkëfajësi eventuale” që çon në dënime nga 8 deri në 25 vjet burg.
Të martën, dhoma e Apelit theksoi “sjelljen e miratuar nga secili prej anëtarëve të personelit mjekësor, i cili nuk respektoi mandatin për të vepruar sipas kodit të etikës mjekësore”, por nuk komunikoi datën e fillimit zyrtar të procesi.
Discussion about this post