Gerard Pique ndodhet tashmë në Miami në vizitën e tij të parë për të kaluar kohë me djemtë e tij Sasha dhe Milan, të cilët prej fillimit të muajit jetojnë me nënën e tyre, Shakirën.
Ai ka udhëtuar i vetëm, pa shoqërinë e Clara Chia-s, me të cilën ka kaluar ditët e fundit një udhëtim romantik në Dubai. Mirëpo, me këtë rast ai e mendoi më së miri, duke pasur parasysh tensionin me Shakirën, që e dashura të mos e shoqëronte.
Ky pretendohet të jetë një kusht që u vendos nga artistja që më herët në marrëveshjen e tyre për kujdestarinë e djemve. Pique ka hasur disa probleme në udhëtimin e tij të parë në Shtetet e Bashkuara për të kaluar kohë me fëmijët e tij. E para është kohëzgjatja e kohës që ai do të jetë atje.
Ish-lojtari i Barcelonës do të mund t’i takojë vetëm pesë ditë, kur marrëveshja mes avokatëve të Shakirës dhe tij ishte 10 ditë.
Një tjetër pengesë për Pique-n është se në këtë vizitë të parë në Miami ai nuk ka një shtëpi ku mund të marrë fëmijët e tij, por duhet të qëndrojë në një hotel, ku gjatë kësaj kohe do të qëndrojë edhe ish-futbollisti.
Ajo që Pique ka siguruar është se do të jetë sa më afër vendit ku jetojnë fëmijët e tij me Shakirën. Synimi i Pique-s, sipas revistës ‘Semana’, është të gjejë një shtëpi ku të jetë rehat sa herë që udhëton drejt Miamit për të kaluar kohën me fëmijët e tij./Iconstyle
Discussion about this post