Dy shtetas shqiptarë, 26 dhe 28 vjeç, u arrestuan nga karabinierët e stacionit Mortegliano me dyshimin e vjedhjeve nëpër shtëpi. Ndërkohë ata mbanin ende bizhuteri dhe xhevahire që sapo i kishin vjedhur.
Ata të dy dhe një nga bashkëpunëtorët e tyre, u kapën në befasi nga një fqinj kur po dilnin nga një banesë.
Duke parë veten të zbuluar, ata ia mbathën më këmbë, por u bllokuan nga policia, e thirrur në telefon nga dëshmitari, ndërsa ishin fshehur në bimësinë e arave aty pranë. Të arrestuarit u mbyllën në burgun e Udines në dispozicion të organeve të drejtësisë.
Discussion about this post