Një ngjarje e rëndë ka ndodhur mbrëmjen e djeshme në Shkup, ku dy të mitur kanë përdhunuar një vajzë 8-vjeçare. Sipas mediave vendase mësohet se dy të mitur të moshës 10 dhe 13 vjeç përveçse e kanë përdhunuar vajzën, më pas e kanë filmuar dhe videon e kanë shpërndarë tek shokët.
Policia ka qenë e informuar për rastin që ka ndodhur para dhjetë ditëve, pasi nëna e fëmijës së dhunuar rastin e ka paraqitur në stacionin policor në Bit Pazar. Autoritetet morën në pyetje të miturit të shoqëruar nga prindërit e tyre.
Mësohet se për shkak se të dy të dyshuarit janë poshtë moshës 14 vjeç, kundër tyre nuk mund të ketë procedurë penale, por për rastin do të veprojë Qendra për Punë Sociale./SHQIP
Discussion about this post