Një ditës pas ngjarjes së rëndë, ku një 13-vjeçar u gjet pa shenja jete nga prindërit e tij, shokët e tij kanë zbardhur shkaqet e këtij fataliteti. Ata tregojnë se i mituri ishte përdorues i rrjetit social “Tik Tok”, ndaj dyshimet kryesore janë se ai po filmonte një video.
Një nga shokët e 13-vjeçarit, tregoi se i ndjeri ka hipur në karrige dhe ka lidhur një spango në qafë. Më tej ai ka lëshuar karriken, por thika nuk ka arritur të presë spangon e lidhur në qafë, ndaj për pasojë ka ndërruar jetë.
Të tronditur nga kjo ngjarje, prindërit dhe shokët e klasës të 13-vjeçarit kanë kërkuar mbylljen e këtyre rrjeteve.
Ngjarja e rëndë u shënua dje në Lushnje, ku rreth orës 18:00, prindërit kanë dërguar pa shenja jete 13-vjeçarin, në spitalin e Lushnjes.
Discussion about this post