E godet me çekiç për motive banale, në kërkim 42-vjeçari

Një ngjarje e shëmtuar ka ndodhur në Fier atje ku një 42-vjeçar ka goditur me çekiç komshiun e tij 55-vjeçar.

Autori i ngjarjes E. S., është shpallur në kërkim nga autoritetet vendase.

Ndërkohë, për sa  i përket shëndetit të 55-vjeçarit Q. H., ai është nën kujdesin e mjekëve.

NJOFTIMI:

Rreth orës 13:50, në lagjen “29 Nëntori”, Fier, dyshohet për motive të dobëta, shtetasi E. S., 42 vjeç, banues në Fier, ka goditur me sende të forta (çekiç), shtetasin Q. H., 55 vjeç, banues në Fier, i cili ndodhet në spital, në kujdesin e mjekëve.

Është shpallur në kërkim 42-vjeçari dhe po punohet për kapjen e tij.

Grupi hetimor po punon për zbardhjen e plotë të rrethanave të ngjarjes.