Në mes të fushatës elektorale kryebashkiaku i Kuçovës Kreshnik Hajdari, pa iu dridhur qerpiku firmos një super tender me risk të lartë korrupsioni për fondin, por edhe me pasojë për qytetin. Pak ditë më parë Bashkia Kuçovë ka publikuar kontratën e tenderit me objekt “Shërbimi i pastrimit, grumbullimit dhe transportit në vend depozitim të mbetjeve urbane”. Për këtë prokurim Kreshnik Hajdari shpenzon 1.4 miliardë lekë nga taksat e qytetarëve të Kuçovës, një punë që do të bëhet përtej këtij mandati.
Kryebashkiaku nuk ka pritur të mbarojnë zgjedhjet, se nuk i dihet ç’ndodh. Prandaj ka firmosur mbi një abuzim dhe cenim të hapur të ligjit për porkurimet. Tenderi është mbyllur me datë 18 prill 2023 pa garë fare. Kompanitë Alko Impex Construction” shpk dhe “Horeal Expo Group” janë skualifikuar me justifikimin se kishn mangësi në dokumente.
Kështu në garë mbeti vetëm firma “Viola Green” në pronësi të Marsel Shegës, Fatos Jupit dhe Sherif Kapllanit. Ajo u shpall fituese pa konkurrencë edhe pse kishte ofertë me vlerë 100% sa fondi limit. Po pse nuk e anuloi tenderin kryetari, pse nxiton dhe i shkel dhe shkon mbi procedurat duke tenderuar shtrenjtë këtë shërbim?
Firma e gjobitur nga IKMT
Kush është kjo firmë që Hajdari e ka paracaktuar të fitojë tenderin? Kryetari Hajdari po kryen aferë më një firmë të ndëshkuar njëherë për mashtrim.
Përveç faktit që kontrata është nënshkruar në shkelje me ligjin, Bashkia Kuçovë nuk duhej të zhvillonte projekte me këtë firmë: Sepse në vitin 2020 janë gjobitur për një aferë të tillë. Konkretisht, në shtator të vitit 2020 Inspektoriati Kombëtar i Mbrojtjes së Territorit ka ndëshkuar me gjobë 2 milionë lekë Bashkinë e Rrogozhinës, e cila kishte kontraktuar firmën “Viola-Green SHPK” për të pastruar mbetjet urbane në këtë qytet.
Shkak janë bërë hedhjet e mbetjeve urbane në territorin e bashkisë Rrogozhinë, në fshatin Zall, pranë bregut të lumit Shkumbin.
Për të cilat IKMT ka njoftuar të marrë masa, por nuk është kryer asnjë veprim.
Ndërkohë, policia ka njoftuar se veç gjobës, kjo kompani me administrator Marsel Shegën do të ndiqet penalisht për krimet ndaj mjedisit. Nuk e dimë se ç’masë u mor ndaj kësaj firme, por shohim se po vazhdon të xhirojë në arkën e saj tenderët e bashkive.
“Viola-Green SHPK” ka si objekt pastrimin dhe përpunimin e mbetjeve. Ajo ka lidhur 4 kontrata për pastrim të mbetjeve, 2 kontrata me Bashkinë Përrenjas, një me Bashkinë e Peqinit dhe një me Kuçovën, të cilat shkojnë në vlerën 198 723 683 lekë. Në këto kushte, Hajdari ka shtuar listën e zullumeve të kësaj kompanie dhe ka vënë në rrezik fondin e pastrimit të qytetit Kuçovë.
Lexo edhe: Veliaj, aferë me Shkëlqim Kupën/ I jep 205 MLN Lekë për pastrimin e barishteve të përroit
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post