Një nga aktorët që ka bërë epokë në historinë e kinematografisë botërore do të nderohet në mënyrë speciale në një nga eventet më të rëndësishme të botës së kinemasë.
Michael Douglas do të marrë Palmën e Artë të nderit në Festivalin e 76-të të Filmit në Kanë (16-27 maj) në shenjë mirënjohjeje për karrierën e tij të shquar dhe angazhimin në kinema.
Festivali do t’i bëjë homazhe gjatë ceremonisë së hapjes të martën më 16 maj.
“Pas më shumë se 50 vitesh në biznes, është krenari të kthehesh në Croisette për të hapur Festivalin dhe për të përqafuar gjuhën tonë të përbashkët kinematografike globale”, komentoi aktori 78-vjeçar amerikan, dy Oscar, 4 Golden Globes, 1 Emmy dhe një Bafta mes shumë çmimeve.
Discussion about this post