Nis foltorja e ish-kryeministrit Berisha me gratë e Lidhjes Demokratike të Gruas së Shqipërisë në Hotel Rogner në Tiranë.
Berisha u shpreh se gratë e kanë mbështetur nismën e tij që në fillimin e saj.
Ai theksoi se kjo Foltore është revolucioni më i madh në historinë e vendin dhe shumë shpejt po rritet sa për tu përballur me Ramën.
“Ju ishit ato që mbështetët lëvizjen për një PD më të bashkuar dhe më të hapur, mbështetën Foltoren qysh në ditën e parë të ideimit të saj. Unë ju garantoj se kjo mbështetje se ato orë të fillimit ka qenë një inkurajim i madh dhe një garanci për një udhëtim të suksesshëm dhe për një revolucion të suksesshëm. Sot vijmë në këtë ditë, si lëvizja dhe revolucioni më i fuqishëm që ka njohur Shqipëria në tërë historinë e saj. Zonja dhe zonjusha, dy muaj më parë ne të gjithë ishim në një greminë të vërtetë. Pasi humbëm në mënyrë të pamerituar zgjedhjet dhe njeriu premtoi se tani beteja fillon, kreu një akt epik pabesie dhe një akt të pashembullt në demokracinë 30-vjeçare shqiptare. Ai i dha një shtytje rrokullisjes sonë politike” – tha Berisha.
Kjo është edhe Foltorja përmbyllëse e ish-kryeministrit Berisha, që kur nisi në datën 16 shtator.
Discussion about this post