Andi dhe Melisa e “Për’puthen” festojnë një vit lidhje plot me dashuri, ndarje dhe ribashkime. Në këtë ditë të shënuar për ata Andi dhe Melisa aknë bërë deklarata të forta dashurie.
Për të festuar, ata udhëtuan drejt Holandës ku vizituan edhe disa nga pikat më të famshme të vendit. Melisa publikoi një fotografi me Andin ku shihen duke shkëmbyer në puthje në rrugët holandeze ku shkruan: “Happy Anniversary My One & Only! 1 vit me ty paska qenë viti më i bukur i jetës sime. Till forever & after death baby jem! Të dashurova dje, të dashuroj sot dhe do të dashuroj gjithe jetën dhe përtej saj”.
Në përgjigje të postimit të saj erdhi edhe një koment nga Andi që ia kthen dashurinë po me kaq entuziazëm. “Gjithë jetën bashkë zemra ime! Të dua shumë!”, shkruan ai. Por për të arritur deri në këtë ditë ku i kanë premtuar njëri-tjetrit dashuri të madhe, ata kanë kaluar një vit me disa ndarje dhe ribashkime, duke i konsideruar si sfida në vetvete.
Dy ish-konkurrentët e “Për’puthen”, Melisa Lleshi dhe Andi Shehu, zbuluan se nuk ishin më bashkë në gusht, pasi fshinë çdo postim në rrjetet sociale që kishin me njëri-tjetrin dhe as nuk ndiqeshin më. Melisa ndau me ndjekësit disa vargje poezie për ndarjen, në të cilat shkruhej: “Edhe kaq lehtë u shemb gjithçka përdhe! Të desha fort, por ti s’më dashurove!” E pas Melisës, reagoi edhe Andi, duke lënë të kuptohej se kjo ndarje e kishte lënduar shumë, pasi ai publikoi një thënie ku shkruhej: “Marrëdhëniet janë si xhami, ndonjëherë është më mirë t’i lini ato të thyera, sesa të dëmtoni veten duke tentuar t’i bashkoni”. Mirëpo, çifti si duket janë rikthyer sërish në krahët e njëri-tjetrit dhe duken më të dashuruar se kurrë më parë.
Discussion about this post