Real Madrid është gati për finalen e Kupës së Mbretit.
Skuadra e Carlo Ancelottit do të sfidojë të shtunën (22:00) Osasunën në Sevilla.
“Los Blancos” synojnë trofeun që mungon prej vitit 2014, ndërkohë që trajneri italian karikon djemtë e tij.
“Është gjithmonë emocion i madh të luash një finale. Personisht e marr gjithmonë sikur do të jetë finalja e fundit.
Të njëjtën gjë mendova edhe në vitin 2003, por nuk rezultoi e tillë. Njësoj mendoj edhe sot.
Kam vetëm një kërkesë për lojtarët: shfrytëzoni momentin, pasi finalet janë ndeshje të veçanta.
Jemi përgatitur me dëshirë dhe entuziazëm të madh. Kemi ardhur me meritë deri këtu. Do japim gjithçka për të fituar”, theksoi Ancelotti.
Discussion about this post