Ish-kryeministri Sali Berisha u shpall mbrëmjen e sotme në takimin e radhës së “Foltores” me Lidhjen Demokratike të Gruas, se Soros është një armik i egër i demokracisë në Shqipëri. Më tej ai tha se është projektues i projekteve të Milloshevicit për ndarjen e kufijve të Kosovës dhe së fundmi i Ballkanit Soros.
“Soros është një armik i egër i demokracisë në Shqipëri. Ai është arkitekti i Reformës me të cilën i prenë shtyllën shtetit shqiptar. Ai është frymëzues në shumë aspekte i narko-shtetit, ai është projektues, apo rigjallërues i projekteve të Milloshevicit për ndarjen e kufijve të Kosovës dhe së fundmi i Ballkanit Soros. Për të gjitha këto në 2017 kam kërkuar shpalljen e tij “Non grata” dhe tani në emër tuaj do i them atij kjo forcë në pushtet, një nga aktet e para është shpallja e tij “Non grata” përgjithmonë.
Berisha gjithashtu pati një mesazh edhe për ambasadoren amerikane Yuri Kim, i cili tha se nuk do të shkel kurrë në zyrën e tij deri sa të vazhdojë të jetë ajo ambasadore e SHBA-së.
Dy fjalë dua t’i them zonjës ambasadore. Ajo më shumë se interesat e vendit të saj promovon politikën e Soros në Ballkan. Por unë do i them dy fjalë. Në një dalje u shpreh se po fitoj Berisha, duke shkelur Kushtetutën e saj, që po fitoi Berisha nuk do i jap dorën apo trokas në derë. Tani do i përgjigjem përpara jush. E nderuar zonjë dera e Sali Berishës do të jetë gjithmonë e hapur për ambasadorin e SHBA-së. Me të vetmin kusht, në rast se ajo do të quhet Yuri Kim në çfarëdo funksioni që të jetë nuk do te shkelë kurrë në zyrën time pa u kërkuar falje demokrateve për “barin” që i kujtoi pak kohe me parë”- tha ai.
Discussion about this post