Joao Cancelo nuk po kalon një periudhë të lumtur te Bayerni i Mynihut. Portugezi u dërgua në Gjermani në formën e huazimit nga skuadra e Manchester City-t, për shkak të mosmarrëveshjeve me teknikun e “Citizens” Pep Guardiola.
Duke parë këtë situatë, duket e sigurtë që mbrojtësi i djathtë, ka për të lëvizur nga Bavaria. Mediat e huaja bëjnë me dije se ai mund të2 shkojë në një qytet shumë të rëndësishëm për sa i përket futbollit elitar.
Menaxheri i njohur Jorge Mendes thuhet se është në dialog me drejtuesit e Futbol Club Barcelonës, në lidhje me perspektivën e transferimit të klientit të tij, në klubin katalanas.
Të paktën kështu bën me dije gazeta “Sport”, organ mediatik shumë i afërt me katalanasit.
Barcelona është e destinuar në blerjen e asit 28-vjeçar dhe tashmë gjithçka varet nga “Qytetarët”, të cilëve u kërkohet të vendosin nëse do ta shesin apo do ta huazojnë.
Discussion about this post