“Në futboll nuk ka vend për racizëm apo ndonjë formë tjetër diskriminimi.
Fyerja raciste e drejtuar nga tifozët ndaj sulmuesit të Juventusit, Dusan Vlahovic, gjatë ndeshjes së Serie A kundër Atalantës është absolutisht e papranueshme.
Ky nuk është një episod i izoluar dhe kërkoj nga organet kompetente që të sigurojnë aplikimin e sanksioneve të ashpra për t’iu kundërvënë episodeve të tilla”.
Presidenti i FIFA-s, Infantino, ndërhyn me një postim për rastin e thirrjeve fyese nga tifozët bergamaskë kundër sulmuesit të Juves gjatë ndeshjes kundër Atalantës.
“FIFA dhe unë qëndrojmë pranë Dushan Vlahovicit, si dhe çdo lojtari tjetër, trajner, zyrtari ndeshjeje, mbështetësi apo pjesëmarrësi në një ndeshje futbolli që ka përjetuar racizëm apo çdo formë tjetër diskriminimi.
Viktimat e këtyre abuzimeve duhet të mbështeten dhe përgjegjësit, ndëshkuar siç duhet nga autoritetet në çdo nivel”, shton Infantino.
“E ritheksoj gjithashtu apelin që kam bërë disa herë në të kaluarën që tifozët të mbajnë qëndrim dhe të heshtin racistët – përfundoi numri një i FIFA-s – Një herë e përgjithmonë: Jo racizmit. Jo çdo forme diskriminimi”.
“Ato të Gasperinit janë deklarata të bëra në fund të lojës që kanë ngjallur njëfarë hutimi, atëherë nëse e mendon për një moment, ndoshta edhe Gasperini do të korrigjonte diçka”- deklaroi Renzo Ulivieri për Radio Anch’io Sport në Rai Radio 1 duke iu përgjigjur atyre që e pyesin për një koment për dallimet e trajnerit të Atalantës për thirrjet raciste të tifozëve të Bergamos kundër Dushan Vlahovicit.
“Ndoshta po, nuk ishte gjë e mirë”. “Njëri se është i zi, tjetri se është cigan apo i verdhë: nuk mund ta kuptojë më – shton Ulivieri, pas çështjes Bergamo-Vlahovic – Ka nevojë për më shumë takime me tifozët, më shumë përballje: përndryshe marrim një rrugë që nuk të çon askund”.
Edhe kryebashkiaku i Bergamos, Giorgio Gori ndërhyri me një postim në Twitter: “Korret kundër Stankoviçit në Romë, kundër Lukakut në Torino, kundër Vlahovicit në Milano dhe Bergamo. Nuk janë thjesht ndonjë fyerje, është racizëm dhe është koha për t’i dhënë një ndëshkim. Unë nuk mund të duroj të shoh qytetin tim në gazeta për marrëzi si ajo e djeshmja. Bergamo është diçka tjetër dhe meriton diçka tjetër”.
Discussion about this post