Të mërkurën në orën 21:00, qyteti i Milanos si dhe e gjithë bota do ndalen për të qënë dëshmitarë të euroderbit të zjarrtë mes Milan e Inter, dueli “kuqezikaltër” që vlen një biletë drejt mundësisë për të fituar “pavdekësinë”. Në lidhje me këtë gjysmëfinale të UEFA Champions League ka folur për mediat italiane, një lojtar që e di se çfarë do të thotë të fitosh kompeticionin elitar të futbollit europian.
Ish-futbollisti Luis Figo në një intervistë për “Tuttosport” ka shprehur mbështetjen e tij për Interin në gjysmëfinalen e Champions ndaj Milanit, në ndeshjen që do luhet të mërkurën.
“Të gjithë e dinë që do të doja Interin në finale. Shpresoj që të fitojë nesër dhe të shkojë në finale. Kurrë nuk e kam fshehur që kam qenë një lojtar krenar që kam veshur fanellën e Interit dhe kur jam larguar nga Milano kam mbetur një tifoz i tyre.
Nesër në mbrëmje do të jetë një ndeshje magjike, një emocion i jashtëzakonshëm. Unë e di shumë mirë sepse e kam luajtur këtë derbi dhe është padyshim një nga derbit më të bukur dhe më emocionues në planet”, deklaroi ai.
Discussion about this post