Vini thërret, De Bruyne përgjigjet, “X” në Real-City

Ka përfunduar në barazim një me një, dueli i parë gjysmëfinal i UEFA Champions League mes Real Madrid dhe Manchester City.

“Los Blancos” dhe “Citizens” dhuruan një ndeshje të ekuilibruar, ku rregulli numër një ishte, limitimi i dëmeve në kuadër të takimit të kthimit.

Ekipi i Guardiolës tentoi më shumë se kundërshtari të gjente golin megjithatë, pritjet e Courtois bënë që porta “merengue” të mbetej e pastër gjatë 45 minutave të para.

Kampionët në fuqi, njihen për cinizmin e tyre dhe në minutën e 36’ kaluan në avantazh me anë të Vinicius jr.

Në pjesën e dytë, City zbriti në fushë me vetëm një objektiv, gjetjen e golit të barazimit.

Mundimi i “Sky Blues” u shpërblye në minutën e 67’, me De Bruyne që realizoi nga distanca e largët një gol të mrekullueshëm.

Nga ky moment e deri në përfundim, të dyja skuadrat tentuan të shënonin por nuk ishin të sakta para portave.

Si përfundim, një me një, me Real Madrid e City që lënë gjithçka të hapur për takimin e kthimit ditën e mërkurë (17 maj). /m.b /gijotina.com