Egnatia ka arritur një nga sukseset më epike të historisë së saj duke siguruar finalen e Kupës së Shqipërisë pas fitores ‘in extremis’ (1-0) përballë Vllaznisë.
Rrogozhinasit edhe shkodranët erdhën në këtë ndeshje pas barazimit një me një në gjysmëfinalen e parë, të luajtur në stadiumin “Loro Boriçi” të Shkodrës.
Pavarësisht emrave të klubeve, rezultatet e fundit, flisnin në favor të klubit të gjelbër.
Nga fillimi i sfidës në “Arena Egnatia” e deri në minutat e fundit, të dy ekipet nuk “e hoqën këmbën nga akseleratori”, në kërkim të golit, me portierët që ishin protagonistët absolutë.
Vetëm në minutën e 90’, rezistenca shkodrane u thye, me Laurentino që realizoi duke goditur nga distanca.
Ky gol mbylli përfundimisht takimin, duke e kualifikuar Egnatian në finalen e Kupës. Përballë tyre do të jetë njëra mes Tiranës ose Teutës. /m.b /gijotina.com
Discussion about this post