Teksa shumë qendra votimi kanë hasur probleme me pajisjen që mundëson identifikimin elektronik të zgjedhësve, Kreu i KQZ-së, Ilirjan Celibashi firmos urdhrin që të vijohet procesi i votimit në Qendrat ku nuk punon pajisja PEI, dhe gjithçka të kryhet manualisht.
Më herët sekretari për Çështjet Ligjore në PS Eridian Salianji i kërkoi Komisionit Qendror të Zgjedhjeve që të marrë masa të menjëhershme për vijimin e votimit pa përdorimin e pajisjes PEi.
“Të nderuar Anëtar të Komisionit Rregullator, I nderuar Z.Komisioner, Sot në datë 14 maj 2023, në orën 07.00 ka filluar procesi I votimit për zgjedhjet për organet e qeverisjes vendore të dt. 14 maj 2023. Që prej asaj ore, ashtu si dhe ju jeni, dijeni, në të gjitha qarqet ku po zhvillohet votimet, hasur problematika të shumta të funksionimin e pajisjes së Identifikimit Elektronik, e cila ka çuar të bllokimin e procesit të votimit në këto qëndra votimi. Për sa më sipër, bazuar në Kodin Zgjedhor, kërkojmë nga na Juaj, marrjen e masave të menjëhershme për vijimin e votimit në këto qendra votimi ku pajisja PEi nuk funksionon, duke urdhëruar fillimin e menjëhershëm të votimit”, deklaroi Eridian Salianji.
Discussion about this post