Komisioneri Shtetëror i Zgjedhjeve në një dalje për mediat raportoi për situatën e procesit zgjedhor. Sipas tij, në KQZ kanë mbërritur 29 denoncime, 4 janë nga subjektet politike, një nga Komiteti Shqiptar i Helsinkit dhe 24 nga qytetarë të ndryshëm.
Sipas Celibashit, denoncimet kanë të bëjnë me votimet familjare, intimidimet apo edhe për mosfunksionimin e pajisjeve elektronike. Po ashtu kreu i KQZ tha se janë 9 qytete, ku janë shfaqur problematika. Por sipas tij, pavarësisht problemeve, procesi ka qenë normal.
“Në lidhje me denoncimet, në total deri tani në KQZ kemi 29 denoncime, të paktën zyrtarisht të prezantuara në mënyrë formale.
Janë 4 denoncime, 3 nga PS dhe një nga BF. PS ka dy denoncime për kandidatin për kryetar të bashkisë në Elbasan dhe një për kandidatin e “BF” në Tiranë në dy raste për thyerrje të heshtjes zgjedhore, për kandidatin në Elbasan dhe Tiranë.
Ka 1 denoncim në KQZ nga Komiteti Shqiptar i Helsinkit gjatë shpërndarjes së materialeve zgjedhore. Janë edhe 24 denoncime nga qytetarë të ndryshëm.
Discussion about this post